د بې کورۍ عمل مرکز
په 1990 کې تاسیس شوی، د بې کورۍ عمل مرکز ماموریت د الامېده کاونټي بې کوره او معیوب اوسېدونکو ته په وړیا ډول د لوړ کیفیت عامه مرستو وکالت وړاندې کول دي. د HAC لیدلوری داسې یوه ټولنه ده چیرې چې هرچا سره په درناوي او احترام چلند وشي، هرڅوک د خپلو قانوني حقونو او لومړني اړتیاو مشخص او سخت تعقیب ترلاسه کړي لکه استوګنه او د روغتیا پاملرنه چې هم د انفرادي حقونو په توګه او هم د ټولنې مکلفیتونو په توګه پېژندل کېږي.
د بې کورۍ عمل مرکز (HAC) د الامېده کاونټي بې کوره او معیوب اوسېدونکو ته په وړیا ډول د لوړ کیفیت عامه مرستو وکالت وړاندې کوي.
HAC په 1990 کې په بېرکلی کې د یوه څارنوال او یوه وکیل سره د ویترین په توګه تاسیس شوی و. نن ورځ، د متنوع کارمندانو سره چې اوسمهال یې شمېر 80+ دی، موږ زموږ د مراجعه کونکو سره د ټیکاو لرونکي عاید او د روغتیا پاملرنې بیمې ترلاسه کولو او ساتلو کې مرسته کوو تر څو هغوی وکولی شي د خوندي او ارزانه استوګنې موندلو باندې ښه تمرکز وکړي.
د HAC وکیلان او څارنوالان د تکمیلي مصؤنیت عاید (SSI)، د ټولنیز مصؤنیت د معیوبیت بیمې (SSDI)، او د مهاجرینو لپاره د نغدي مرستې پروګرام (CAPI) ته د خلکو لاسرسي کې مرسته کولو کې تخصص لري. دې کومکونو په برخه کې د مرستې پرمهال، موږ همدارنګه د مراجعه کونکو سره مرسته کوو چې عامه مرسته (GA – د افرادو لپاره نغدي مرسته)، کال ورکس (د کوچني ماشومانو لرونکي کورنیو لپاره نغدي مرسته)، کال فرېش (د خوړو سټامپ)، او میډیکال ترلاسه کړي او وساتي.
مخکې د HAC وده کې، د SSI وکالت باندې د تمرکز پرېکړه اساسآ د اقتصادي لیدلوري له مخې شوې وه: د GA څخه SSI ته په بریالیتوب د یوه مراجعه کونکي اړول د نوموړي مراجعه کونکي د عاید درې چنده کېدو پایله لري. اوسمهال، په الامېده کاونټي کې، دا په میاشت کې د $336 ډالرو څخه تر $1,133 ډالرو ته تګ معني لري – د میډیکال او ډینټي کال بیمې لپاره د اتومات په شرایطو برابرۍ یادولو پرته! د میاشتني عاید دې سطحې سره، زموږ مراجعه کونکي په اوږدمهال کې د ټیکاو لرونکي استوګنې درلودو لپاره د بیلابیل انتخابونو ملاحظه کولو وړتیا لري.
په هرصورت، د پورته نومول شوي ځایی، ایالت، او فدرالي مرستو سیسټمونو پېچلې بیوروکراسۍ له امله، د مرستې پرته زموږ مراجعه کونکو لپاره د دې مهم خوندیتوب شبکې پروګرامونو سپړل خورا ډېر مشکل دي. د غوښتنلیک فورمې اوږدې وي، اکثر په داسې طریقه لیکل شوي وي چې زموږ څخه د ډیری و لپاره ورباندې پوهېدل مشکل وي، او اکثر د معیوبیت پېچلي تعریف پوره کولو لپاره طبي اسنادو ته اړتیا وي. د دې کېسونو پرېکړه کېدل به منظم ډول ډېرې میاشتې وخت اخلي – اوسط کېسونه تر پرېکړه کېدو پورې دوه کلونه وخت اخلي.
د HAC وکالت هڅه کوي له کلتوري پلوه متواضع او په مراجعه کونکي متمرکز وي. د کارمندانو ژبو کې هسپانوي، ماندرین، ویتنامي، کوریایی، فرانسوي، فارسي، هندي، پنجابي، پورتګالي، او خمر شامل دي. د نورو ژبو لپاره، HAC د تلېفون له لارې ژباړونکي لري. کارمندان روزل کېږي چې د بې کورۍ، معیوبیت، د انګلسی ژبې محدود وړتیا، او د حبس مخینې پورې تړلي د مراجعه کونکي اړتیاو په تړاو حساس وي. هغوی همدارنګه د نژاد، طبقې، جنډر، د جنډر هویت، د بدن اندازې، او د جنسي لیدلوري اړوند متقاطع مسایلو په تړاو حساس دي.
