د کالیفورنیا لایف لاین پروګرام (د ځمکني تلېفون خدمت)
د کالیفورنیا لایف لاین پروګرام (د ځمکني تلېفون خدمت) ایالتي پروګرام دی چې په شرایطو برابر کورنیو ته تخفیف لرونکي کورني تلېفون او د ګرځنده تلېفون خدمتونه وړاندې کوي. د کالېفورنیا لایف لاین تخفیفونه د مصرف کونکو سره مرسته کوي خپل د تلېفون بیلونو لګښت ټیټ کړي. د یوې کورنۍ لپاره یوازې یو تخفیف مجاز دی (په استثنا د ټېلي ټایپ رایټر کاروونکو او د کوڼ او معیوب مخابراتو پروګرام ګډون کونکو لپاره). هره کورنۍ کولی شي د کور تلېفون یا ګرځنده تلېفون باندې د تخفیف ترلاسه کولو انتخاب وکړي، مګر په دواړو باندې نه. د پروګرام د مرستو په اړه د نورو معلوماتو لپاره د موجود تخفیف لرونکي خدمتونو ډولونه وګورئ.
د پروګرام لپاره د شرایطو پوره کولو دوه لارې دي. د آیا کالیفورنیا لایف لاین ستاسې لپاره صحیح دی؟ وګورئ ترڅو ووینئ چې آیا تاسې او ستاسې کورنۍ په شرایطو برابر دي.
که تاسې فکر کوئ چې تاسې د کالیفورنیا لایف لاین لپاره په شرایطو برابر یې، خپل د کور تلېفون یا ګرځنده تلېفون شرکت سره اړیکه ونیسئ او خبر ورکړئ د کوم لپاره چې تاسې د کالیفورنیا لایف لاین غوښتنه کوئ. د کور یا ګرځنده تلېفون شرکت باید د کالیفورنیا لایف لاین د تلېفون خدمت تایید شوی وړاندې کونکی وي. کله چې تاسې د کور یا ګرځنده تلېفون شرکت ته ووایی چې تاسې په شرایطو برابر یې، هغه به ستاسې لپاره د غوښتنلیک پروسه پیل کړي. ستاسې سیمه کې تایید شوي د کور او ګرځنده تلېفون شرکتونو موندلو لپاره د خدمت وړاندې کونکي لټون باندې کلېک وکړئ. د نورو تفصیلاتو لپاره د غوښتنلیک لارښوونې وګورئ.
که تاسې اوسمهال د کور یا ګرځنده تلېفون خدمت نلرئ، تاسې کولی شئ د کالیفورنیا لایف لاین د تلېفون مرکز سره اړیکه ونیسئ ترڅو ستاسې سیمه کې د تلېفون موجود شرکتونه مشخص کړئ. که تاسې د خپل غوښتنلیک، وضعیت، یا نهایی نېټې په اړه کومې پوښتنې لرئ، مهرباني وکړئ د کالیفورنیا لایف لاین اداره کونکي هاټلاین ته زنګ ووهئ.
