د کورنیو بېرته وصل کولو پروګرام (امریکایی سور صلیب)
وسله والې جګړې، نړیوال ناورینونه او مهاجرت هر کال په ټوله نړۍ کې میلیونونه خلک د بشري مرستې بېړنۍ اړتیا حالت کې پرېږدي. د نړۍ د ترټولو سترې بشري شبکې په حیث، د سور صلیب او سرې میاشتې ټیمونه د نړیوالو بحرانونو په واسطه جلا شوي کورنیو بېرته یوځای کولو کې مرسته کوي.
د امریکا سور صلیب د خپلوانو بېرته وصل کولو کې مرسته کوي کله چې:
- کورنۍ په نړیواله کچه د جګړې، ناورین، مهارت یا نورو بشري بېړني حالتونو په پایله کې سره جلا شي.
- کورنیو واردمخه د بېرته وصل کېدو لپاره د ارتباط نورمال چینلونو د کارولو هڅه کړې وي.
- د کورنۍ پوښتنه کونکي غړي د لټول کېدونکي فرد په اړه لازمي معلوماتو ورکولو وړتیا لرلې وي.
- د کورنۍ پوښتنه کونکی غړی د لټول کېدونکي فرد خپلوان وي چې د بحران پېښېدو څخه مخکې ورسره په مستقیم اړیکه کې و.
د کورنۍ اړیکو بېرته پرځای کولو څانګه د کورنیو بېرته یوځای کولو مرستې لپاره وړیا او محرم خدمتونه وړاندې کوي. موږ تاسې سره ستاسې د کورنۍ او خپلوانو لټون او موندلو لپاره کار کوو. موږ شخصي معلومات یوازې د دې لپاره راټولوو چې وکولی شو ستاسې غوښتنې ته ځواب ورکړو. موږ به ستاسې د رضایت پرته هېڅ چا ته ستاسې معلومات ورنکړو. د امریکا سور صلیب د بریالي بېرته یوځای کېدو په پایله کې د کورنۍ غړو لپاره مالي مرسته نه ورکوي.
Category
